Шочмо элым аралышын кечыже вашеш

Шочмо элым аралышын кечыжлан пӧлеклалтше «Зарница» модышым веселан эртарышна. Йоча-влак (снимкыште), «Циркон» ден «Авангард» команде-влаклан шелалтын, строй дене чаткан коштын моштымынам ончыктышна. Гранатым кышкышна, лӱйкалышна, икымше полышым пуышна да шуко тӱрлӧ конкурсышто вийнам тергышна. «Циркон» сеҥышыш лекте.

М.Казаков лӱмеш тоштерын пашаеҥже-влак Г.К.Сошина ден А.В.Архиповлан, ялысе книгагудо вуйлатыше В.А.Ивановалан пайремым эртараш полшымыштлан кугу таум ойлена.

Даша АРХИПОВА.

Морко, Эҥерсола.