Марий Пӧлер ялна Муслюм районын сылне кундемыштыже верланен. Мушуга эҥер ялнам кок уремлан пайлен. Вӱдшым Ик, Чолман, Юл эҥерлаш, вара Каспий теҥызыш йоктара. Кундемна памашлан поян: Бахтияр, Куэ, Гали, Кӱтӱчӧ, Пасу да молат. Кажныжын – шке историйже. Ял калык, Патырай памашын йӱштӧ, тамле вӱдшым йӱын, эр кечым вашлиеш. Коча-ачана-шамыч памаш-влакым эре эскерат. Мый ялем, пашаче калыкше дене кугешнем.
Кирилл КИРИЛЛОВ.
Татарстан Республик.
20 мартыште тӱнямбалне Йоча театр кече палемдалтын. Марий кундемнан рӱдолаштыже вич театр уло. Йоча-влак Республикысе курчак театр ден Марий самырык театрыш кошташ поснак йӧратат. Тушто нунылан келыштарыме спектакльым чӱчкыдынрак ончыктат.…
Школыштына «Страна детства» йоча театр пашам ышта. Тудым А.В.Иванова вуйлата. Ме «Эн сай школ театр» районысо конкурсышто кокымшо ий почела вийнам тергенна. Тений Анна Сердоликын «Счастье для Тимоши» пьесыж почеш…
