Кажне айдемылан шке кундемже эн лишыл да йӧратыме. Шочынам, илем да кушкам Марий кундемыште. Марий мландем деке йӧратымаш авайын шӧржӧ дене пырля толын. Тыште мый икымше ошкылым ыштенам, шаршудышто почаҥынам, авамын каласкалыме йомакшым, мурыжо-влакым колыштынам. Шочмо кундемем кажне кечын мыланем вий-куатым пуа, илыш моторлыкым ешара.
Мыйын Кокласола ялемат моткоч мотор, сылне, поян! Тыште мый шочмо мландын ямжым шижам. Моктем шочмо верем! Моктем Морко кундемем! Моктем Кокласола ялем!
Кугешнем марий мланде дене! Марий Эл, Морко мланде, Кокласола ялем, пеледалтса, тӱзланыза!
Дана КУШАКОВА.
Морко район.
