Кеҥеж каникул шукертак эртен гынат, шокшо шарнымаш кызытат чоным ырыкта. Иктыже – Курыкмарий районыш да Чуваший Республикыш миен коштмаш. Тушко каяш Роман Богомоловын автотуржо йӧным ыштен. Ме паром дене ийынна. Козьмодемьянск олаште верланыше кава йымалысе этнографий тоштерышке (снимкыште) пуренна. Ик жаплан коча-кована-влакын илышышкышт пӧртылынна. Шуко ум паленналынна. Ты шинчымаш ИКН урокышто кӱлеш лиеш. Аламнер курыкыш кӱзенна да Юл эҥерын моторлыкшым эскеренна.
Чувашийыште «Северный каскад» вӱдшуҥгалтышым ужынна. Моткоч сӧрал вершӧрым йывыртен онченна.
Марина СТЕПАНОВА.
Волжский, Упшер.
Фотом еш архив гыч налме.
