Шонанпыл тӱсан пайрем

Марий Эл Республикысе Тӱвыра, печать да калык-влакын пашашт шотышто министерствын, «Кугарня», «Ямде лий» газет редакций-влакын пашаеҥышт мӱндыр, но лишыл родо-влак дене уна лийынна. Ты гана Башкортостан Республикысе Мишкан районысо Чорай, Ирсай школлаште тунемше да туныктышо-влак дене вашлийын мутланенна. Кугу пайрем Мишкан селасе Марий историй да тӱвыра рӱдерыште эртаралтын. Кумылан кажне еҥ, шочмо калыкшын вургемжым чиен, рӱдерыш Почмо омса кечыш вашкен. «Башкортостан – наш дом родной» фотоончерысе паша-влакым аклаш йӧн пуалтын. Ме, Марий Эл гыч мийыше уна-влак, Мишкан селасе полилингвальный школлан (тудым 1 сентябрьыште почыт) калык деч погымо книга-шамычым кучыктенна. Пайремын вес ужашыже кидмастар-влакым иквереш чумырен. Нуно Башкортостан Республикыште илыше калыкын национальный вургем кечыжлан пӧлеклалтше «Марий калык вургем» районысо конкурсышто мастарлыкыштым ончыктеныт.

Марий Эл Республикысе Тӱвыра, печать да калык-влакын пашашт шотышто министерствын, «Кугарня», «Ямде лий» газет редакций-влакын пашаеҥышт мӱндыр, но лишыл родо-влак дене уна лийынна. Ты гана Башкортостан Республикысе Мишкан районысо Чорай, Ирсай школлаште тунемше да туныктышо-влак дене вашлийын мутланенна. Кугу пайрем Мишкан селасе Марий историй да тӱвыра рӱдерыште эртаралтын. Кумылан кажне еҥ, шочмо калыкшын вургемжым чиен, рӱдерыш Почмо омса кечыш вашкен. «Башкортостан – наш дом родной» фотоончерысе паша-влакым аклаш йӧн пуалтын. Ме, Марий Эл гыч мийыше уна-влак, Мишкан селасе полилингвальный школлан (тудым 1 сентябрьыште почыт) калык деч погымо книга-шамычым кучыктенна. Пайремын вес ужашыже кидмастар-влакым иквереш чумырен. Нуно Башкортостан Республикыште илыше калыкын национальный вургем кечыжлан пӧлеклалтше «Марий калык вургем» районысо конкурсышто мастарлыкыштым ончыктеныт.