Мемнан кундемыште Шорыкйол пайремым Шорчол маныт. Тудын ойыртемже могай?
Эрдене эрак озавате мелнам кӱэштеш. Вара шокшо коҥгаш пареҥгым кудалта. Вольык тӱлыжӧманын, вӱташ лектын, вольыкым тӱкалта. Кас пычкемыш годым кашташте шинчыше чывымат тарватат – муным шуко мунчыжо манын. Мӱкшым ашныше-влак мӱкшомарта нергенат огыт мондо. Пакчашке лектын, олмапум рӱзалтат. Кастене шорчол-влак пӧрт еда коштыт. Суртоза-шамыч нуным тамлын сийлат. Васликува ден кугыза кайымышт годым сугыньым пуат.
Ковам, ожнысо илышым шарналтен, тыге ойла: «Шорчолын вес кечынже «курчак ӱдыр-влак», мотор тувырым, чапле солыкым (шовычым) пидын, ял мучко мурен, куштен коштыныт». Ты йӱла кызыт ок шукталт.
Татьяна МИХЕЕВА.
Татарстан, Агрыз, Буймо.
Ксения ИСАКОВАН сӱретше.
Татарстан, Агрыз, Буймо.
