Кеҥеж – эн сай пагыт. Школышто тунемше-шамычын вучымо канкулышт тӱҥалеш. А тиде яндар южышто уталарак жапым эртарымаш, путешествий да, мутат уке, йӱштылмаш. Вӱд воктене жапым сайын, пайдалын эртараш манын, лӱдыкшыдымылык правил-влакым эскерыза.
- Вӱдыш йӱштылмӧ пагытым почмек гына пурыза.
- Кугыеҥ деч посна вӱд воктеке лишемман огыл.
- Ийын огыда мошто гын, вӱдыш пурыман огыл.
- Йӱштылаш лийме нерген палдарыше знак улмо верыште гына йӱштылза.
- Вӱдын келгытшым палыде, тушко ида тӧрштӧ.
- Тораш ийын ида кай.
- Мардежан, кугу вӱд толкын годым йӱштылаш ида пуро.
- Пырля ийше-влак деке лишемын, лӱмын ида лӱдыктыл, мыскарам ыштен, полшаш ида йод.
