Шернур район Марисола школ гыч Никита Вайшев (снимкыште – марий йылмым да литературым туныктышо С.М.Максимова дене пырля) тӱрлӧ конкурсышко ушна. «Тоштер лудмаш» районысо конкурсышто «Кумалтыш атыла» пашаж дене икымше верым налын. Никита кумалтыш годым кучылтмо кўмыж-совлам шымлен. Эше ик пашаже кудыр лилий нерген лийын. Тиде пеледышым Йошкар книгашке пуртымо. Никитан ойлымыж почеш, кушкыл Тулгем ялыште шочеш. Рвезе шкенжым артист семын терга. «Яков Майоров-Шкетанын «Якшывай» повестьше почеш шындыме спектакльыште Якун рольжым модынам», – ойла Никита.
Х.АЛЕКСАНДРОВА.
