Чыла вере шыже озалана. Вондерлан, пушеҥгылан, шудылан вес сывыным чиктен. Южыжо шапалгыше тӱсан, шукыжо чевер-мотор шӧртньӧ чиеман. Кызыт ваштар эн сылне вургеман. Чевер-нарынчалге тӱсшӧ торашке волгалтеш. Мардеж пуалме дене пушеҥгыла гыч лышташвлак велыт. Но але «лышташ йӱрын» жапше шуын огыл. Игече эркын йӱкшемдаш тӱҥалын. Кажне пагытын – шке жапше.
Надежда СТЕПАНОВА.
Морко, Коркатово
Тимофей Смирновын сӱретше.
Медведево, Руэм.
