«Рвезе тукым» йоча ушемын изирак вожатыйже-влак 1-4-ше класслаште тунемше-шамычлан «Шӧртньӧ шыже» сӱрет конкурсым ий еда эртарат. Теният таҥасымашке ятыр икшыве ушнен. Эвелина Новикова ден Надя Сергеева поснак чолга улыт: кажне сӱрет конкурсышто мастарлыкыштым тергат. Икымше классыште тунемше кажне йоча сылне пашаж дене куандарен. Кугурак вожатый Е.В.Григорьева сӱрет ончерым келыштарен. Сеҥыше-шамычлан Чап кагазым кучыктен.
Дмитрий ЕГОРОВ.
Морко, Шӱргыял.
