Йоча-влак, Йошкар-Олаште Шоколад тоштер улмо нерген паледа мо? Шыже каникул годым ме, 6 шо «Б» классыште тунемше-шамыч да класс вуйлатышына, тушко экскурсий дене миенна. Шоколадын историйжым Константин оҥайын каласкален (снимкыште), мастер-классым эртарен. Ме шоколадым ыштен онченна, моторын сӧрастарен, пеленна налынна. Вара чай дене кум тӱрлӧ тутло сийым тамленна. Мыланна чылажат пеш келшен. Тыландат миен толаш темлена.
6-шо «Б» классыште тунемше-влак.
Звенигово, Чакмарий.
Фотом школ архив гыч налме.
