М.Шкетан лӱмеш Марий национальный драме театрын артистше-влак кужу жаплан шарнымашеш кодшо у спектакльым шукерте огыл сценыш луктыч. Тиде «Чоҥешта турня кашта…» драме. Спектакль Кугу Ачамланде сарыште Сеҥымашлан 80 ий теммылан пӧлеклалтын. Чолга рвезе, уто шомакым лукде, сарыш кая. А тукым шольыжо, чапланыше пианист улам манын, шылын кодеш. Артист-влак моткоч талантан улыт. Образыштым келгын почын пуышт. Ончен шинчем, да шинчавӱд чорге чурийым мушкын вола. Мый сар нерген шуко лудынам, но тиде драмым ончымеке, эше шуко ум пален нальым. Садлан, йоча-влак, тыландат темлем. Сарын шучкылыкшо нерген кажне еҥ палышаш.
Юлия ЯГОДАРОВА. Советский, Кельмаксола
Оля Майкован фотожо.


