Чылан икгай формым чиен, Йошкар-Оласе 80-ше номеран «Ӱжара» йочасадыш коштшо икшыве-влак (снимкыште) спортзалыш вашкат. Тушто нуным Ольга Викторовна Дождикова вашлиеш. Туныктышо ӱдыр-рвезе-шамычын тазалыкыштым шуарымашке кугу надырым пышта. Йоча-влак дене мутланымеке, тыгай поро ойым кольым.
Артём ШУБИН: «Мыланем йочасадыште пеш келша. Арнялан кок гана эртарыме физкультур занятийым чот вучем».
Ангелина КРАШЕНИННИКОВА: «Ольга Викторовнам пеш йӧратем. Кажне эрдене зарядкыш куанен вашкем».
Маша ПЕКШЕЕВА: «Мый гимнастикыш коштам. Физкультур занятийым моткоч йӧратем».
Арина НИКОЛАЕВА: «Спорт тазалыкым вияҥда. Туныктышына кумылым савырен мошта».
Варя ЩЕРБАКОВА: «Физкультурышто тӱрлӧ упражненийым ыштена, оҥай модыш дене модына».
Надежда ГОДУНОВА мутланен.
Авторын фотожо.
