«Марий сылнымут садвечыште» кружок Морко район Шӱргыял школышто ий гыч ийыш пашам ышта. Тушко 6-8-ше класслаште тунемше, марий сылнымутлан шўман 16 йоча (снимкыште) коштеш. Ме кружокышто сылнымутан произведенийым лудына, инсценировкым модын ончыкташ, марий сайтла дене кылым кучаш тунемына. А эн тӱҥ сомылна – тӱрлӧ жанрым кучылтын, сылнымут пашам возымаш. Марла газет ден журналла дене кылым кучена. Йоча-влакын пашашт савыкталтмеке, чонышт куан дене темеш. Эше виянрак возкалаш кумылышт лектеш.
Е.В.ГРИГОРЬЕВА, кружок вуйлатыше.
