Ах, кеҥеж, тыйым кӧ огеш йӧрате? Моторлыке-тым ончен, саскатым тамлен шерет ок тем. Йошкар-Оласе 80-ше номеран йочасадыш коштшо ӱдыр-рвезе-влак (снимкыште) кеҥеж нерген тыге ойлат.
Полина МАРКОВА: «Эн сӧрал пагыт. Лыжга мардеж, шокшо игече, тӱрлӧ тӱсан пасу, ужар сывынан чодыра кумылым савырат».
Ксюша ВЕДЕРНИКОВА: «Кеҥеж йомакысе пеледыш, шонанпыл гай. Волгыдо, кечан, кумылым нӧлтышӧ».
Варя СИВАКОВА: «Кеҥежым роза пеледыш дене таҥастарем: чевер, мотор. Куанен ончет».
Н.ГОДУНОВА.
