Коми калык шудо ыштыме жапыште Луд (олык) пайремым пайремла, самырык-влак «Кӧйдыс» (нӧшмӧ) этнофестивальыш ий еда погынат, кол когыльылан пӧлеклалтше «Черинянь гаж» фестивальымат моткоч йӧратат.
Мыланем «Гажа Валяй» келша. Ты муткылдыш «весела мунчалтымаш» манын кусаралтеш. Ӱярня арнян пытартыш кечынже эртаралтеш. Тудым Сысольский район Визинга селаште кумдан палемдат. Изижат-кугужат калык вургемым чият. Ӱдырамаш-влак сарафанышт ӱмбак ончылсакышым ӱшталыт. Пӧръеҥ-шамычын тувырышт «дӧрӧм» маналтеш, йолашышт – «гач». Тений ме, йоча-влак, (снимкыште) «Гажа Валяй» кечын калык мурым йоҥгалтаренна, куштымашым ончыктенна. Ты кечын тамле кочкыш дене сийленыт: мелна, кышал (кисель), ляз (кисельым ушештарыше йӱыш), шанежке. Пытартышыжым тӱрлын кӱэштыныт, пареҥге, торык, пӧчыж але морошка дене. Мый пӧчыжаным йӧратем. Тыгайым ешыште кажне пайремлан ямдылена. Мыят ышташ тунемам.
Кристина КОЛИПОВА.
Коми, Сысольский район.
Фотом еш архив гыч налме.
