Кумдан палыме карел калык кочкышлан калитке шотлалтеш. Молан тыге маналтеш? Икмыняр шонымаш уло. «Калита» шомак гыч лийын. Тошто руш йылмыште тудо оксагалта, кылдышан сумка манын кусаралтеш. Але «kalitat», «kalittoa» шомак-влаклан кӧра шочын, маныт. Тидыже «шӱрымӧ», «изи кӱжгинде» манме лиеш. Тыгак «колядке» шомак нерген ойлат. Тыгай лӱман пайрем годым уна-влакым сийлаш почылтшо когыльым кӱэштыныт.
Калитке кочкыш пеле почылтшо мешакым але пушым ушештара. Тӱҥ шотышто тудым пареҥге гыч ямдылат, но тыгак кӧргылан тӱрлӧ емыж-саскам, торыкым, тар шӱрашым кучылтыт. Уржа, шыдаҥ ложаш, кӱчымдорык (але вӱд), нӧш мӱй гыч руашым нӧштылыт.
Христина АЛЕКСАНДРОВА.
