Визымше классыш вончымеке, труд урокна утларак оҥай лийын. Шукерте огыл сэндвичым тӱшкан ямдыленна. Эн ончыч салмам ырыктенна, тушко ушкал ӱйым пыштенна да левыктенна. Кинде шултышым кок могырымат жаритленна. Изиш йӱкшымекше, майонез ден кетчупым варен йыгенна. Вара помидорым, киярым, ужар салатым, колбасам пыштенна. Тидым вес кинде шултыш дене петыренна. Моткоч тамле! Мӧҥгӧ толмеке, тамле кочкышым ямдылаш кумылаҥым. Авам деч полышым йодде, ик кӱмыж сэндвичым шке ямдылен кертым. Ача-авамлан, акамлан пеш келшен. Тидлан моткоч йывыртенам.
Ксения СТОЛЯРОВА.
2-шо номеран Морко школ.
Фотом еш архив гыч налме.
