Снимкыште Звенигово район Какшамарий школ гыч Дима Дубовым, Елизавета Сорокинам, Марий Турек район Сысоево школ гыч Аня Орловам, Кужэҥер район Йӱледӱр школ гыч Владимир Мухиным ужыда. Нуно 2022 ийлан шуко сеҥымашым кондымыжлан, Йӱштӧ Кугызалан пӧлекым кучыктымылан тауштат. Дима тале архитектор лийнеже. Юзо коча, шонымашыжым шижын, конструкторым пӧлеклен. Елизаветалан шукертак вучымо коньким конден. Кодшо ийын Аня марий йылме дене районысо олимпиадыште сеҥышыш лектын. Тений республикыште икымше лияш шона. «Ача-авам таза лийышт, ешыште ласкалык озаланыже. Суртышто ыштышаш паша ятыр уло, машинамат налнена. Тений шонымашна шукталтеш манын ӱшанем», – ойла Владимир.
Ӱдыр-рвезе-влак сайын тунемаш, эре ончылно лияш товатленыт.
