Кажне эрдене мыйым агытан йӱк огыл, а ковамын шокшо шӱр пушыжо помыжалтара. Ковам эр ӱжара дене ончыч кынелеш, шокшо кочкышым ямдыла да мыйым сийла. Тудо пеш чулым: чыла вере шуаш тырша, тӱрлӧ сомылым ышта. Каналташ шичмеке, мыланем ожнысо илышыж нерген каласкала, кызытсе саман нерген шонкала. Ме, коло икымше курымын икшывыже-влак, кочана ден кованам аралышаш да аклышаш улына.
Ирина ПЕТРОВА.
Мокро, Коркатово.
