Юл кундем федерал округысо «Театральное Приволжье» йоча да самырык коллектив-влак фестивальын окружной йыжыҥже тӱҥалын. Финалыште 28 коллектив таҥаса. Медведево посёлкысо «Дебют» йоча образцовый театр «Праздник непослушания» спектакльым аклаш луктын, а Оршанке посёлкысо «Спутник» образцовый самырык театр – «Наташина мечта» спектакльым. Нуным театральноеприволжье.рф сайтыште ончаш лиеш. Сеҥыше-влакым 27 мартыште Ижевск олаште палемдат.
«Театральное Приволжье»
