Марий самырык театр 34-ше тургымым 14 сентябрьыште «Ныл качылан ик мыскара» спектакль дене почеш. Театрын директоржо А.П.Пуртов, художественный вуйлатышыже О.Г.Иркабаев, директорын ончышо-влак дене пашам ыштыме шотышто алмаштышыже М.В.Григорьев ончыкылык паша планышт дене пресс-конференцийыште палдареныт.
– Ты тургымышто ятыр у постановко лиеш. Республик деч ӧрдыжкат спектакльла дене лекташ шонена. Мемнан декат вес кундемла гыч артист-шамыч толаш тӱҥалыт. Мутлан, 6-11 октябрьыште Йошкар-Олаште ТЮЗ-влакын фестивальышт эртаралтеш. Тушко Нижний Новгород, Чебоксар, Киров, Уфа олала гыч толшаш улыт, – ойлен Андрей Петрович.
Марий самырык театр йоча-шамычым поснак чот вуча, тӱрлӧ спектакль дене куандараш тӱҥалеш. Мутлан, актёр-влак кызыт «Алиса в стране чудес» мюзикылым ямдылат.
Оля МАЙКОВА.
Авторын фотожо.
