Школышто пакчалан кугу тӱткышым ойырена. Йыраҥлаш пареҥгым, кешырым, ушменым, шоганым, чеснокым шындена. Тылеч посна олма сад ден шоптыр пакча уло. Сентябрьын икымше арняштыжак пареҥгым погышна (снимкыште). Ик тунемшын ачаже трактор дене луктын пуыш. Паша куштылеме: ме ойыркален веле погышна. Пакчасаска умен шочын. Вес ийлан урлыкашымат, кочкаш йӧршымат мешаклаш оптышна. Кумдык изи огыл гынат, пашам вашке мучашлышна. Калыкыште арам огыл тыге ойлат: «Тӱшкаште – вий». Сай игечылан кӧра йошкаруш менымат, кешырымат поген нална. Телылан витамин ямде!
Татьяна МИХЕЕВА.
Татарстан, Агрыз, Буймо.
Фотом школ архив гыч налме.
