«Движение Первых» йоча толкын элна мучко шарлен. Тудын кышкарыштыже кажне школ пелен первичный отделенийым почыныт. Шӱргыял школыштат уло. Кураторын сомылжым Елена Валериановна Григорьева шукта, а председательын пашажым мый ыштем.
Шукерте огыл Морко район гыч кумло еҥан делегаций (снимкыште) Йошкар-Олаште эртаралтше «Горящие сердца России» форумышто лийын. Тудо Марий Эл Республикысе 700 утла чолга ӱдыр-рвезе ден организаторым иквереш чумырен. «Движение Первых» регионысо пӧлкан председательжым ойыренна. Республикнан лӱмлӧ еҥже-влак дене вашлийынна. Форумын кокымшо ужашыже Йошкар-Оласе 17-ше номеран школышто лийын. У проект дене палдареныт, тоштерыште экскурсийым эртареныт.
Форум поро шарнымашым коден. Ончыкыжым уло вий-куат дене пашам ышташ кумылаҥден.
Диана СКВОРЦОВА.
Морко, Шӱргыял.
Фотом школ архив гыч налме
