Унчо селаште верланыше «Тошто марий сурт-пече» тоштер да этнографий комплексыште класс дене лийынна (снимкыште). Тушто XIX курым мучаште улан илыше марийын сурт-оралтыжым ончыктымо. Мемнам тоштер пашаеҥ З.В.Николаева мар-лагапка ончылно вашлийын. Зинаида Вениаминовна он-чыл клатым, изи левашым, кудым, вӱтам, левашым, мастар лукым, шем мончам, кок пачашан клатым ончыктен. Пӧрт кӧргыштӧ ожнысо марий вургемым чиен онченна. Мый мыжерым чиенам, ӱмбачынже потам ӱшталынам, порсын шовычым пидынам. Йолташем-влак тӱрлӧ сомылым ыштеныт: икте мелнам кӱэштын, весе шепкам рӱзен, кумшо шӱртым шӱдырен. Рвезе-влак олдырчо дене шӱртым вынер куымо станлан ямдыленыт.
Ты кечым кужу жап шарнаш тӱҥалына. Эртыме корным палыде, ончыкылык илышым чоҥаш йӧсӧ.
Алина ЕВСЮТКИНА.
Морко, Унчо.
