19 майыште тӱвыра да книгагудо пашаеҥ-влак изирак класслаште тунемше-шамычлан Пионерийын кечыжлан пӧлеклалтше мероприятийым эртареныт. Ӱдыр-рвезе-влак пионер-шамыч, нунын келшен илымышт, йӱлашт, подвигышт нерген пален налыныт. Тыгак пионер галстукым чын кылдаш тунемыныт (снимкыште). А тӱмырзӧ деч посна могай отряд лийын кертын?! Тӱвыра пӧрт вуйлатыше М.В.Веткина тӱмырым перкалыме мастарлыкланат туныктен. Поро вашлиймаш «Взвейтесь кострами, синие ночи» мурым тӱшкан мурымо дене мучашлалтын.
Тыгай мероприятий поро йӱлам арален кодаш да тудым тукым гыч тукымыш шуяш полша.
Н.Г.ВОЛКОВА.
Шернур, Лажъял.
Фотом школ архив гыч налме.
