Республикысе марий тӱвыра рӱдер С.Г.Чавайн лӱмеш Национальный книгагудышто «Ший талешке – тукым-влакым ушышо кыл» республикысе конференцийым эртарен. Волжский, Советский, Кужэҥер, Морко, Марий Турек, Шернур районла гыч ӱдыр-рвезе-влак шке кундемысе кидмастарышт нерген шымлымаш пашашт дене палдареныт. Шун дене ненчыше, пидме арверым ыштыше мастар, тале тӱрлызӧ да моло кидмастар-влак нерген шуко оҥайым пален налме. Тунемше-влак, газет ден журналлам шергалын, кидмастар-шамыч дене вашлийын, шымлыме пашам чумыреныт. Советский район Роҥго школын 5-ше классыштыже тунемше Софья Таныгина (снимкыште) «Кидмастарын товаржат – модыш ден иктак» шымлымаш пашам возен. Тудо 11-14 ияш-влак коклаште икымше верыш лектын.
– Мый тале кидмастар Сергей Михайлович Семёнов нерген возенам. Тудын шке чоҥымо пу полатшым ончен, проектым ямдылаш кумылаҥынам. Кидмастар мыйым кыртмен пашам ышташ, шонымашыш шу-аш таратен. Туныктышем-влаклан таум ойлем, – ойла Софья.
15-18 ияш-влак коклаште Волжский район Кугу Корамас школын тунемшыже-влак Даша Семёнова, Настя Михайлова да Оля Кузнецова икымше верым налыныт.
Республикысе марий тӱвыра рӱдер С.Г.Чавайн лӱмеш Национальный книгагудышто «Ший талешке – тукым-влакым ушышо кыл» республикысе конференцийым эртарен. Волжский, Советский, Кужэҥер, Морко, Марий Турек, Шернур районла гыч ӱдыр-рвезе-влак шке кундемысе кидмастарышт нерген шымлымаш пашашт дене палдареныт. Шун дене ненчыше, пидме арверым ыштыше мастар, тале тӱрлызӧ да моло кидмастар-влак нерген шуко оҥайым пален налме. Тунемше-влак, газет ден журналлам шергалын, кидмастар-шамыч дене вашлийын, шымлыме пашам чумыреныт. Советский район Роҥго школын 5-ше классыштыже тунемше Софья Таныгина (снимкыште) «Кидмастарын товаржат – модыш ден иктак» шымлымаш пашам возен. Тудо 11-14 ияш-влак коклаште икымше верыш лектын.
– Мый тале кидмастар Сергей Михайлович Семёнов нерген возенам. Тудын шке чоҥымо пу полатшым ончен, проектым ямдылаш кумылаҥынам. Кидмастар мыйым кыртмен пашам ышташ, шонымашыш шу-аш таратен. Туныктышем-влаклан таум ойлем, – ойла Софья.
15-18 ияш-влак коклаште Волжский район Кугу Корамас школын тунемшыже-влак Даша Семёнова, Настя Михайлова да Оля Кузнецова икымше верым налыныт.
