Республикыштына поро йӱла уло. Кажне ийын апрельын кумшо кугарнянже да сентябрьын кокымшо кугарнянже Башкортостан Республикыште илыше калык-влакын калык вургем кечыштым палемдат. Кызыт «Я учусь в национальном костюме» акций эртаралтеш. Тунемше ден туныктышо-влак тунемме тӧнежыш школ формо олмеш калык вургемым чиен толыныт. Кузе сӧралын койыт, чылт тӱрлӧ тӱс дене волгалтше пеледышан олык! Тыгай пайрем йӱлам аралаш, шочмо калык дене кугешнаш тарата. Акций годым эртаралтше тӱрлӧ мероприятий, ончер тыгак шинчымашым келгемдаш полшат.
Н.А.БЕЛЯЕВА
Башкортостан, Балтач, Ӱлыл Йыванай.
Фотом школ архив гыч налме.
