«Тунемшем дене кугешнем!»
Тыге ойла Йошкар-Оласе 2-шо номеран школышто тӱҥалтыш класслам туныктышо Людмила Ивановна Алексеева. Тудо йоча-шамычым книгам лудаш кумылаҥдаш, тудым чын умылаш туныкташ, шочмо йылмым аклаш манын, тӱрлӧ йӧным кучылтеш. Шинчымашыштым конкурслаште тергаш тарата. Теве 4-ше «В» классыште тунемшыже Максим Орехов «Марий книга издательстве» савыктыш пӧртын эртарыме конкурсышто икымше верым сеҥен налын. «Марий книга издательствыште савыктыме книган геройжо-влак молан туныктат?» теме почеш шонкалымашан сочиненийым возен. Максим Василий Юксернын «Атаманыч» повестьшым лудын. Ятыр иктешлымашым ыштен. Тӱҥ герой Миша Ковальчукым пример шотеш ужеш. Тудын гай лӱддымӧ, ӱшанле, Шочмо элым йӧратыше лияш шона. «Максим тунеммаштат эре он чылно. Эртыше тунемме чырыкыште отличник лийын, – ойла Людмила Ивановна. – Тунемшем – йолташыже-влаклан чыла шотыштат пример. Тудо ончыкыжым кӱкшӧ сеҥымашке шуэш манын ӱшанем».
Людмила ГРИГОРЬЕВА.
Фотом школ архив гыч налме.
