19 февральыште Йошкар-Олаште шочмо марий йылме, марий литератур, кугыжаныш марий йылме дене республикысе олимпиаде эртаралтын. 9-11-ше класслаште тунемше 100 утла ӱдыр-рвезе уш-акылжым терген.
– Тений ИКН предмет дене олимпиаде заочный формат дене лийын. 30 ӱдыр-рвезе таҥасен, – ойла Марий Эл Республикысе образований да науко министерствын тӱҥ специалист-экспертше Е.А.Тарасова. – Кугыжаныш марий йылме дене олимпиадышке ушнышо йоча-влакын чотышт ий гыч ийыш ешаралтеш. Нуно заданийым куштылгын шуктат, кӱкшє баллым погат.
Шочмо марий йылме да марий литератур дене сеҥыше-влак 25 февральыште регион-влак кок-ласе олимпиадыште заочно таҥасеныт. Олимпиадышке Башкортостан, Татарстан, Удмурт республиклаште да Свердловск кундемыште тунемше-влак ушненыт.
Шочмо марий йылме дене сеҥыше-влак: Алина Саматаева, 9-ше кл. (Курыкмарий, Эмінсола); Валерия Глушкова, 10-шо кл. (Советский, Ӱшнӱр); Дарья Яковлева, 11-ше кл. (Морко, Шеҥше).
Марий литератур дене 1-ше верыш лектыныт: Никита Николаев, 9-ше кл.; Анастасия Андреева, 10-шо кл. (Морко, Коркатово); Кристина Чеботарь, 11-ше кл. (Советский, Ӱшнӱр).
Кугыжаныш марий йылме дене ойыртемалтыныт: Дмитрий Веденькин, 9-ше кл. (1-ше номеран Шернур шк.); Кристина Мамаева, 10-шо кл. (Кужэҥер, Йӱледӱр); Яна Ефремова, 11-ше кл. (Кужэҥер, Руш Шой).
