Тений кеҥежым ояр игече шогыш. Шокшо велыште кушшо емыж-саскам мемнан кундемыштат кушташ лиеш. Ме арбузым, дыньым кумшо ий шындена. Виноградна уло. Арбуз тений ӧрыктарыш. Чылаже кудло шочын. Моткоч кугу улыт. Шӱжарем дене нунын пелен войзалтде ышна чыте. Кочкын ончышна – тутло, шере!
Саша СТЕПАНОВА.
Волжский, Упшер.
Май мучаште 1-ше номеран Морко школышто тӱҥалтыш класслаште тунемше-влак тунемме идалыкым иктешленна. Икымше туныктышо, тӱҥалтыш школ дене чеверласенна (снимкыште). Пайрем ик велым куанле лийын: вучымо кеҥеж каныш тӱҥалын, а вес…
Шукерте огыл мый Василий Юксернын «Марий патыр-влак» книгажым лудын пытаренам. Тиде книгаште марий талешке-влак нерген легенде-шамыч улыт. Чоткар ден Онар нерген возымыжо эн чот келшен. Мыйын шонымаште, нине патыр-шамыч чынжымак…