Ӱяча — марий калыкын ик эн йӧратыме шере сийже. Тудым Йошкар-Оласе «Мари» сийгудышто икымше гана тамлен онченам. Моткоч келшен. Садлан шке ямдылаш кумыланынам. Рецептым тӱрлӧ вере кычалынам. Мумеке, вигак ямдыленам. Сакырложашым, шинчалым, рум вӱдеш шулыктаренам, ванильым, ушкал ӱйым да ложашым пыштен, руашым нӧштылынам. Изирак тыртыш-влакым ненчымеке, оваргымыштым вученам. Нӧшмӱйыштӧ шӧртнялгымешке жаритленам. Чыла могырымат мотор лийже манын, чӱчкыдын савыркалаш кӱлын. Ямде ӱячам дуршлагыш пыштен, уто ӱйым йоктаренам. 2-3 минутлан мӱйыш пыштенам. Пеш тамле лийын.
Ты калык кочкыш нерген уверым кычалмеке, теве мом пален налынам: 2023 ийыште Йошкар-Оласе «Тёплая речка» трактирыште тӱнямбал рекордым шынденыт — 20 153 ӱячам кӱэштыныт.
Виктория СМОЛЕНЦЕВА.
Медведево гимназий.
Фотом еш архив гыч налме.
