Ачам могырым кугезе кочам Павел Андреевич Андреев (снимкыште) Морко район Шеҥыштӱр ялеш 1916 ийыште шочын. Кугу Ачамланде сар тӱҥалмеке, Шочмо элым аралаш каен. Сар пытымешке кредалын. Старший сержант лӱмым налын. Тудлан Йошкар Шӱдыр орденым да «За победу над Германией в Великой Отечественной войне 1941-1945 гг.» медальым кучыктеныт.
Сар гыч пӧртылмекыже, ешыже пелен пиалым, ялысе калык деч пагалымашым шижын илен. 1987 ийыште ош тӱня дене чеверласен.
Тудын лӱмжым Кугорнӱмбал ялысе «Вечная память и слава воинам-победителям в Великой Отечественной войне (1941-1945)» шарнымаш плиташте возымо. Тудын воктеч ошкылмо годым кугешнен да вуем савен эртем. Тек кугезе кочана-шамычын подвигышт кушкын толшо тукымлан пример семын лиеш.
Надежда АНДРЕЕВА.
Морко, Купсола.
Фотом еш архив гыч налме.
