Памятникым да исторический верлам аралыме тӱнямбал кечын Волжский район Пӧтъял школын 8-ше классыштыже тунемше-влак Учимсола школ воктенысе обелиск, Ӱлыл Азъял ялысе озадыме пӧртла йыр шӱкым эрыктеныт.
– Кугезе кочана-влакын Кугу Ачамланде сар годым ыштыме подвигыштым шарнен, тыныс илышым пӧртылтымыштлан тауштен, поро пашашке ушненна. Сар кажне ешым авалтен, садлан кугезына-шамыч ончылно порысна уло. Памятник, обелиск йыр шӱкым эрыктен, ме нунын дене чонна дене кутырена. Тыге шочмо кундемнат тӱзлана, – ойлат ӱдыр-рвезе-влак.
Н.ВАСИЛЬЕВА.
