Шочмо элнам тушман деч арален кодымылан тений 75 ий темеш. Мемнан еш гыч сарыште кредалше лийын мо? Тиде йодыш ушыштем эре пӧрдын. Кочам ден ковам деч полышым йодым. Пален нальым: кугезе кочам Михаил Григорьевич Янгелов Морко районысо Кугу Шале ялыште 1905 ийыште шочын. Ончыч финн сарыште, вара Кугу Ачамланде сарыште кредалын. Кугезе кочамын сар корныжым пален налаш нелырак ыле. Сандене авам дене коктын Память.народа.ру сайтыште кычалана. Кугезе кочам «За боевые заслуги», «За победу над Германией» медаль-влак да Йошкар Шӱдыр орден дене палемдалтын. Мый кугезе кочам дене кугешнем!
Анна ВИНОГОРОВА.
Звенигово,2-шо номеран Красногорский школ.
