Шочмо (тыгак руш) йылмым туныктышо-влакын всероссийский мастер-классыштын очный йыжыҥже Москошто эртаралтын. Тушко 40 туныктышо ушнен. Марий Элын чапшым 2-шо номеран Морко школышто марий йылмым туныктышо Н.А.ГОЛУБКИНА арален да «Учитель-новатор» таҥасыште сеҥы-шыш лектын.
– Мый конкурсышко «Кундемыштем шошо» теме дене урокым, «Школ илыш» модульым, курчакым ыштыме нерген мастер-классым колтенам. Урокышто мужыр дене пашам ыштыме, проблемым шынден туныктымо, модуль, модыш йӧн-влакым кучылтынам. Шкем нерген баннерым ямдыленам. Калык вургемым аралымаште шымакш дене палдаренам, – ойла Надежда Александровна.
