«Культура» нацпроектын «Культурная среда» федерал проектше почеш 2022 ийыште Марий Эл Республикысе кок книгагудо модельный радамышке ушна. Оршанке районысо Я.П.Майоров-Шкетан лӱмеш рӱдӧ библиотеке ден Советский районысо А.С.Крупняков лӱмеш рӱдӧ книгагудышто олмыктымо пашам ышташ, книга фондым пойдараш, технике ден арвер-влакым уэмдаш тӱҥалыт.
2022 ийыште Российын 78 регионыштыжо 239 модельный книгагудо почылтшаш. Ий мучашлан 850 библиотекым (тышеч визытше Марий Элыште верланен) уэмдышаш улыт.
