Эртыше тунемме ийыште, февральыште, ме у школыш тунемаш пуренна. Школыштына кугу спортзал, актовый зал улыт. Кажне классыште – интерактивный оҥа. Ме тӱрлӧ презентацийым, видеом ончен кертына. Кочмыверыште моткоч тамлын пукшат. Школышто тӱрлӧ фестиваль чӱчкыдын эртаралтеш. Меат шке мастарлыкнам ончыктена. Уэш парт коклаш шинчын улына. Уло кумылын да тыршен тунемаш тӱҥалына.
Эльвира АЛЕКСЕЕВА.
Марий Турек, Сардаял.
