10-12 сентябрьыште Йошкар-Олаште Юл кундем федерал округысо йоча сымыктыш школ-влакын конференций-форумышт эртаралтын. Марий Эллан латныл кундем гыч уна-шамычым вашлияш пиал шыргыжалын. Нуно усталык шӱлышан ӱдыр-рвезе влакым вияҥдыме, туныктымо методике да моло нергенат мутланеныт.
8-10 сентябрьыште И.С.Палантай лӱмеш тӱвыра да сымыктыш колледжын Национальный сымыктыш гимназийыштыже илыш шолын. Репетиций-влак лийыныт, 400 утла йоча кугу сценыш лекташ ямдылалтын. Нунын коклаште меат, Волжский районысо ӱдыр-влак, лийынна. Э.Сапаев лӱмеш Марий кугыжаныш опер да балет академический театрыште мураш – кугу чап, но чон садак вургыжын. Туге гынат ме кандаш мурым моткоч сылнын йоҥгалтаренна. Тыгай кугу мероприятийыш логалмем усталык аланыште вияҥаш у шулдырым пӧлеклен.
Марина СТЕПАНОВА.
Волжский, Упшер.
