– Мый тӱрлӧ книгам лудаш йӧратем, поснак йочалан возымо келша, – ойла У Торъял район Кӱанпамаш школын 7-ше классыштыже тунемше Милена МАРКОВА.
Эн йӧратыме книгаже – «Удивительные истории из жизни вещей и растений». Тудым Светлана Панасенко возен. Автор мемнан йыр улшо арвер ден кушкыл-влакым тӱслен ончаш ӱжеш. Йодышым шында: нуно калыкым куандарышт манын, ме тыршена мо?
– Книга шонкалаш тарата. Произведений-влакым шукырак лудаш кӱлеш. Нуно уш-акылым пӱсемдат, у тӱням почыт, – ойла ӱдыр.
«Культура для школьников» проект радамыште «Марий калыкын тӱвыра поянлыкше» мероприятийым эртаренна. Туныктышо Елена Валериановна марий семӱзгар-влак дене палдарен. Шиялтыш дене шоктен ончыктен. Мыят ты семӱзгар дене «Морко пазарыш» мурын семжым…
27-28 мартыште Йошкар-Олаште «Первые роли» школ театр-влакын республикысе фестиваль-конкурсышт эртаралтын. Тушко республикысе тӱрлӧ школ гыч 1-11-ше класслаште тунемше артист койышан ӱдыр-рвезе-влак погыненыт. Кок кече жапыште 33 ойыртемалтше спектакльым ончыктеныт. Шернур…