Республикыште Кугу Ачамланде сарыште вуйыштым пыштыше-влак да тылыште тыршыше-шамыч лумеш тӱрлӧ кундемыште шогалтыме памятник ден шарныктыш-влакым тӧрлымӧ да уэмдыме паша шуйна. У Торъял район Кӱанпамаш ялыште мемориал комплексым уэмден ачалыме (снимкыште). Шукерте огыл тудым торжественно почмо. Ончыл радамыште, пурлаште – Совет Ушем Герой Георгий Фёдорович Бастраковлан плита. Тудо 1917 ий 18 апрельыште Пектансола ялыште шочын да 1944 ий 27 январьыште сарыште геройлын колен.
Тиде районак Кузнеч ялыште Чап мемориалым, Токтарсолаште чапкӱм почмо.
Л.ГРИГОРЬЕВА ямдылен.
Фотом Интернет гыч налме.
