Москошто «Туристический код моей страны, города, посёлка, района – PRO-туризм» всероссийский конкурсын очный йыжыҥже эртаралтын. Тушто 500 финалист таҥасен. Марий Элын чапшым Йошкар-Олан историйже тоштерын пашаеҥже К.Н.Скрябина ден Политехнический лицей-интернатын тунемшыже Мария Терюхова араленыт. Мария историйым да ИКН-ым туныктышо О.В.Тулюлюк дене пырля «Гастрономический тур по Республике Марий Эл» проектым ямдылен да «Гастрономический туризм. Почувствуй вкус» таҥасыште сеҥышыш лектын. Ксения Николаевна «По Царевококшайску с Матрёной Кореповой» проектым аклаш луктын да «Прикоснись к истории» таҥасыште кокымшо верым сеҥен налын.
