26 январьыште шочмо марий йылме да марий литератур дене регионысо олимпиаде онлайн эртаралтын. Тушто Марий Эл, Татарстан республикла, Пошкырт, Свердловск, Одо кундемла гыч 53 ӱдыр-рвезе уш-акылжым терген. Марий йылме дене Татарстан Республик Балтаси район Ципья школ гыч Э.Данилова (снимкыште) (9-ше кл.), Пошкырт кундем Краснокам район Арлан школ-интернат гыч К.Шаяхметова (10-шо кл.), 1-ше номеран Шернур школ гыч Э.Егошина (11-ше кл.) сеҥышыш лектыныт. Марий литератур дене Пошкырт кундем Янаул район Тумна школ гыч И.Ишимбаев (9-ше кл.), Шернур район Кукнур школ гыч А.Пидалина (10-шо кл.), Советский район Ӱшнӱр школ гыч Л.Гребнева ончылно лийыныт.
