Мыйын ныл йолан йолташем уло. Тудлан Киса лӱмым пуэнам. Пырысем кум тӱсан: сур, шеме да кӱрен. Шинчаже ужарге-ужарге, нӧргӧ шудыла веле коеш. А могай ушан! Школыш кайымем годым ужатен колта. Пӧртылмӧ жапымат пуйто пала: капка ончыко лектын шинчеш. Мый тудым тамле кочкыш дене сийлаш тыршем. Киса воктекем толеш да шӱргыжым мушкеш. Тыге таушта, шонем.
Юля ЯГОДАРОВА.
Советский, Кельмаксола.
