Марий сылнымутын классикше С.Г.Чавайнын шочмо кечыжым Морко район Арын школышто кажне ийын палемдена. Теният тунемше-влак коклаште почеламут ден прозым сылнын лудшо-шамыч коклаште таҥасымаш эртаралте. Чолга тунемше-влак районысо тыгаяк конкурсышто усталыкыштым тергышт. Изак-шоляк Александровмыт (снимкыште) сеҥымашке шуыч. 1-ше классыште тунемше Гавриил 3-шо верыш лекте. Тихон 1-ше верым сеҥен нале.
О.А.ВАСИЛЬЕВА, туныктышо.
Китне ялысе тӱвыра пӧрт пелен «Шонанпыл» йоча площадке кокымшо ий пашам ышта. Тушко ме куанен коштына. Клуб вуйлатыше Татьяна Григорьевна Ядыкова ден селасе книгагудо пашаеҥ Анна Валентиновна Кибардина кумылан кажне…
Медведево посёлкысо 6-шо номеран «Оҥгыр» йочам вияҥдыме рӱдерыште «Волжские узоры» районысо дефиле-конкурс эртаралтын. Тушто Юл кундем федерал округышто илыше калык-шамычын национальный вургемышт дене палдареныт. Ты йочасадын кугурак группышкыжо коштшо ӱдыр-рвезе-шамыч…