Коча-ковам Морко район Ердӱр ялыште илат. Нуно ятыр вольыкым, сурткайыкым ашнат. Нимогай зоопаркыш кошташ ок кӱл: Капитан пырыс йол йымалнак пӧрдеш, Линда лӱман алабай пий эре пырля моднеже, эше комбо, чыве, кӱрка… Ик ий ончыч кочам ден ковам презым налыныт. Тудо йошкар тӱсан, вуйыштыжо, кок тӱкӧ коклаште, шӱм форман ош пале уло. Саша шӱжарем дене презым Милка манын лӱмденна. Кочамлан Милкам пукшаш да йӱкташ полшем: шудым солен кондена, вес кочкышымат пуэна. Милка кочмо жапым сайын пала: изишак вараш кодат гын, шкеж нерген шижтарен, «Му-у-у» манын шуйдара. Вӱтасе окна гыч вуйжым луктын, йыр мо ышталтмым эскера. Тыгай годым Милкам миен ниялтем, ужар шудым пуэм (снимкыште). А тудо пуйто тидымак вуча.
Арина АЛЕКСАНДРОВА.
Йошкар-Оласе 19-ше номеран школ.
