Шушаш идалык деч мый у сеҥымашым, у шӱлышым, у вашталтышым вучем. Сылне сем дене калыкым ончыкыжымат куандараш шонем. У муро-влакым возаш йӧн, усталык шӱлыш лийыт манын ӱшанем. У еҥ-шамыч дене палыме лийнем, тӱрлӧ верым ужын коштнем. Но эн тӱҥжӧ – вуй ӱмбалне канде кава лийже. Мый ӱшанем: шушаш идалык ава гай тыматле лиеш – вет ме пиалан ончыкылык илышым чоҥена. Тидлан икте-весым умылышаш, вашла полшышаш улына. 2026 ий – Российысе калык-влакын икоян улмо идалыкышт. Калык-шамыч коклаште келшымаш, ваш умылымаш эше пеҥгыдырак лийшаш. Чылалан чытышым, пагалымашым, у сеҥымашым тыланем, аралыза шкендам, аклыза йыр улшо еҥда-влакым.
Кирилл НОВОСЕЛОВ.
Шернур, Кукнур.
