Тунемме ий иктешлалтын гынат, школышто йоча йӱк нимыняр ок лыплане. «Шонанпыл» йоча лагерь кеҥежын икымше кечынже шке пашажым тӱҥалын (снимкыште). Тудо 21 кече шуйна. «Чемпионы», «Одуванчики», «Чебурашки» отрядлаште 7-14 ияш 47 ӱдыр-рвезе кана да тазалыкшым пеҥгыдемда. Тидлан школышто чыла йӧн уло: пӧлем-влакым сылнын сӧрастарыме, кочмыверыште эр да кечывал кочкыш темлалтыт, кажне кече тӱрлӧ вашлиймашлан, модышлан, конкурслан поян. Тек кеҥеж каныш поро шарнымашым кода.
Н.ВАСИЛЬЕВА.
Волжский, Пӧтъял.
