25 октябрьыште Тошто Йӱледӱр тӱвыра пӧртыштӧ «Марий ӱдыр – сылне ӱдыр» районысо конкурс эртаралтын. Вич чолга ӱдыр (снимкыште) мастарлыкшым он чыктен. Тушко мыят ушненам. Участник-влак моторлыкыштым, уш-акылыштым, сценыште шкем кучен моштымыштым устан почын пуэныт. Конкурсым иктешлымеке, Гран-прим Кристина Шапкина сеҥен налын. Моло ӱдыр-влакым тӱрлӧ таҥасыште диплом дене палемденыт. Мыланем «Марий ӱдыр – тале ӱдыр» лӱмым пуэныт. Икымше верым налын омыл гынат, тӱҥжӧ – ушненам. Тидын дене кугешнем! Чолга еҥ-влак дене вашлийынам да шуко ум пален налынам. Интернет йӱклымаште шуко йӱкым погенам. Мыланем йӱклышӧ кажне еҥлан таум ойлем. Полыш да тӱткыш моткоч шергакан улыт. Тек тыгай конкурс чӱчкыдынрак эртаралтеш. Тунам марий ӱдырын лӱмжӧ эре кӱшнӧ лиеш.
Анна АНДРЕЕВА.
Кужэҥер, Тошто Йӱледӱр.
Фотом еш архив гыч налме
