Ме, Сотнур школышто 7-ше классыште тунемше-влак (снимкыште), Валентин Исенеков лӱмеш премийым налынна. Ты сеҥымаш – нимучашдыме пиал! Шке фамилийнам «Ямде лий» газетыште ужаш манын, умбакыжат тыршаш тӱҥалына. Тений икымше гана районысо олимпиадышке ушненна. Максим Качуев, Катя Павлова, Валерия Скворцова, Андрей Ушков тӱрлӧ предмет дене уш-акылыштым тергеныт. Тале спортсменна Ярослав Михайлов Марий Эл Республикым Вуйлатышын ёлкыштыжо лийын. Классыште икте-весе дене келшен илена, кажнын сеҥымашыжлан куанена. «Келшымаште, тӱшкан пашам ыштымаште – вий» ӱжмаш тений чӱчкыдын йоҥген.
7-ше классыште тунемше-влак.
Волжский район.
Фотом школ архив гыч налме.
